Кучли циклон Ҳиндистон жанубига ёпирилди, қурбонлар бор
ASTANА. Кazinform – Кучли «Мурасу» циклони Ҳиндистоннинг жанубий Андхра-Прадеш штатига ёпирилди, бир нечта қишлоқларни сув босди ва йўлларга зарар етказди, деб хабар беради Аnadolu агентлиги.
Бўрон 3 ноябрь, сешанба куни қирғоққа етиб келди. Ҳудудий табиий офатларни бошқариш бошқармасининг маълумотларига кўра, циклон натижасида камида икки киши ҳалок бўлди.
Штатнинг бир нечта туманларида тинимсиз ёмғирлар сув тошқинларига сабаб бўлди. Баъзи қишлоқлар сув остида қолди ва йўллар шикастланди.
4 ноябрь, чоршанба куни штат бош вазири Чандрабабу Найду зарар кўрган ҳудудларни ҳаводан ўрганиб чиқди. Унинг сўзларига кўра, бир қатор қишлоқлар ҳали ҳам сув остида.
Шу куни Ҳиндистон бош вазири Нарендра Моди Найду билан телефон орқали гаплашди. Штат раҳбари турли саноат тармоқлари жиддий зарар кўрганини ва марказий ҳукуматдан ёрдам сўраганини айтди.
Аввалроқ «Арнаб» циклони Ҳиндистоннинг жанубий қирғоғига ёпирилиб, камида беш кишининг ҳаётига зомин бўлган эди.
Эслатиб ўтамиз, Ҳиндистон ва Непалда сув тошқини ва кўчкилар оқибатида 70 киши ҳалок бўлди.
