Қозоғистоннинг биринчи ракеткаси Санкт-Петербургдаги турнирда россияликни мағлуб этди

теннис
Фото: Қозоғистон теннис федерацияси

Қозоғистонлик теннисчи Александр Бублик Санкт-Петербургда (Россия) бўлиб ўтган «Трофеи Северной Пальмиры» кўргазмали турнирида ғолиб чиқди, деб хабар беради Kazinform агентлиги Sports.kzга таяниб.

Қозоғистоннинг биринчи ракеткаси россиялик Александр Шевченко билан учрашиб, уни икки сетда мағлуб этди – 7:5, 6:4. Учрашув 1 соат 33 дақиқа давом этди. Шу тариқа Бублик «Сфинкс»лар жамоасига очко келтирди, бироқ ғалаба “Шерлар”да қолди – 6:5.

Эслатиб ўтамиз, Александр Бублик яккалик баҳсларида қозоғистонлик энг яхши теннисчи ҳисобланади. У ҳозирда ATP рейтингида 32-ўринни эгаллаб турибди. Бу йил Бублик иккита турнирда ғолиб чиқди: июнь ойида у Галледа (Германия), октябрда эса Антверпенда (Бельгия) ғалаба қозонди.

Сўнгги хабарлар