Қозоғистонликлар Хорватияда стол тенниси бўйича ўтказиладиган турнирда иштирок этади

Стол тенниси
Фото: olympic.kz

ASTANA. Kazinform - Вараждин шаҳрида (Хорватия) стол тенниси бўйича WTT Feeder турнири бўлиб ўтади. Унда Қозоғистон терма жамоасининг олти нафар вакили иштирок этади, дея хабар беради Кazinform агентлиги ҚР Миллий олимпия қўмитасига таяниб.

Турнирда жами 232 нафар иштирокчи чиқиш қилади. Улардан 12 нафар спортчи жаҳон рейтингининг ТОП 50 талигидан жой олган, улар орасида Қозоғистон терма жамоаси етакчиси Кирилл Герасименко (37-ўрин) ҳам бор.

Қозоғистон шарафини Кирилл билан бирга Хорватияда Дастан ва Айдос Кенжеғулов, Санжар Жубанов, Сарвиноз Мирқодирова ва Анастасия Лавровалар ҳимоя қилади.

Турнирнинг дастлабки ўйинлари 2 апрель куни бўлиб ўтади.

Сўнгги хабарлар