Қозоғистонлик Жибек Қуламбаева Италиядаги турнирнинг чорак финалига йўлланма олди

ASTANА. Кazinform – Қозоғистонлик Жибек Қуламбаева Италиянинг Бари шаҳрида ўтказилаётган челленжер турнирининг жуфтлик баҳсларида чорак финалга чиқди, деб хабар беради Kazinform мухбири.

Қозоғистонлик теннисчи франциялик Кароль Монне билан биргаликда италияликлар Жоржия Педоне ва Женнифер Руггериларга қарши илк учрашувини ўтказди.

Бир ярим соатдан ортиқ давом этган баҳсда Қозоғистон-Франция жуфтлиги 6:2, 6:7 (8:10), 10:2 ҳисобида зафар қучди.

Ж.Қуламбаева – К.Монне ярим финалга чиқиш учун испаниялик Марина Бассольс – бразилиялик Лаура Пигосси жуфтлиги билан беллашади.

Бундан бир ҳафта олдин Ж.Қуламбаева Польша вакили Мартина Кубка билан биргаликда Прагада бўлиб ўтган IТF мусобақасида ғолиб бўлган эди.

Эслатиб ўтамиз, аввалроқ Новак Жокович теннис бўйича жаҳон рекордини ўрнатгани ҳақида хабар берган эдик.

Денис Евсеев Туркиядаги Истанбул мусобақасининг чорак финалга чиқди.

Тимофей Скатов эса Испанияда Михаил Кукушкинни мағлуб этиб, чорак финалга чиқди.

Муаллиф: Ғайсағали Сейтақ