Қозоғистонлик ёш теннисчилар Италиядаги турнирда чемпион бўлди

ASTANA. Kazinform - Италиянинг Санта-Кроче шаҳрида ўтказилган ITF Juniors J300турнирида қозоғистонлик Соня Жиенбаева ва Асилжан Аристанбекова ғолибликни қўлга киритди.

 Асылжан Арыстанбекова
Фото: Қазақстан теннис федерациясы

Қозоғистонлик қизлар финалда италиялик Базилетти – Мадуззини 6:1, 6:4 ҳисобида мағлуб этди.

Бу - Соня ва Асилжаннинг биргаликда қўлга киритган иккинчи титулидир. Февраль ойида қозоғистонлик дуэт иштироқчилари Қоҳирада бўлиб ўтган биринчи тоифадаги танловда ғолиб чиқди.

Яккалик баҳсларида Соня Жиенбаева финалга чиқди ва украиналик Елизавета Котлярга 3:6, 2:6 ҳисобида имкониятни бой берди.

Италиядаги муваффақиятли чиқиши натижасида Соня ўсмирлар ўртасидаги жаҳон рейтингида рекорд даражадаги 22-ўринга кўтарилди.

Эслатиб ўтамиз, аввалроқ Юлия Путинцева жаҳон рейтингида 37-ўринга кўтарилгани ҳақида ёзган эдик.

Асылжан Арыстанбекова
Фото: Қазақстан теннис федарациясы

 

Сўнгги хабарлар