Қозоғистонлик ёш теннисчи Мисрдаги мусобақада чорак финалга чиқди

ASTANA. Kazinform – Дунё рейтингида 1024-ўринни эгаллаб турган қозоғистонлик 19 ёшли Аружан Сағиндиқова Шарм-ал-Шайх (Миср) ITF W15 туркумига кирувчи турнирнинг чорак финалига чиқди.

Қозоғистонлик теннисчи иккита учрашувни муваффақиятли ўтказди.

Аружан дастлаб дунё рейтингида 754-ўринни эгаллаб турган ва ушбу мусобақанинг 7-ракеткаси мисрлик 21 ёшли Ясмин Еззатни 7:6 (10:8), 6:0 ҳисобида мағлуб этди. A. Сағиндиқова 4 октябрь куни Шарм-ал-Шайхда айнан шу теннисчига 3:6, 3:6 ҳисобида имкониятни бой берган эди.

Аружан иккинчи даврада германиялик Энн Акаша Сеусани мағлуб этди - 6:2, 6:3.

Аружан Сағиндиқова ярим финалга чиқиш учун дунёнинг 451-рақами, турнирнинг 1-ракеткаси Сандра Самир билан куч синашади.