Қозоғистонлик ўсмир теннисчилар Сербиядаги мусобақада ғолибликни қўлга киритди

ASTANA. Kazinform - Қозоғистонлик теннисчилар 12 ёшдан 14 ёшгача бўлган ўсмирлар ўртасида теннис бўйича Европа мусобақаларида муваффақиятли иштирок этди. 

Қозоғистон теннис федерацияси хабарига кўра, Сиримжан Барлиқов Сербияда 12 ёшгача бўлган ўсмирлар ўртасидаги турнирнинг яккалик баҳсларида финалга чиқди, фақат корт эгаси Никола Йотичга 1:6, 2:6 ҳисобида имкониятни бой берди.

С.Барлиқов яна бир қозоғистонлик Эмир Айтбаев билан бирга финал учрашувида болгариялик Владимир Стойменов ва Даниель Васевга қарши 6:2, 6:4 ҳисобида зафар қучди ва чемпион бўлди.

Германиянинг Аугсбург шаҳрида Ансар Ниетқалиев германиялик Лоренцо Руннерга фақат финалда имкониятни бой берди – 2:6, 2:6.

Австрияда Мариам Нуржан россиялик Дарья Белякова билан биргаликда австриялик Юлия Эхренбергер – Мия Ньюмюллерга 1:6, 4:6 ҳисобида имкониятни бой берди.