Қозоғистонлик теннисчиларнинг янгиланган АТР рейтингидаги ўринлари маълум бўлди

ASTANA. Kazinform - Australian Open-2024 мусобақаси якунланганидан кейин Профессионал теннисчилар уюшмаси (ATP) рейтингининг янгиланган версияси эълон қилинди, деб хабар беради Kazinform агентлиги Sports.kzга таяниб.

Сербиялик Новак Жокович 1200 очко йўқотганига қарамай, биринчи ўринни сақлаб қолди. Испаниялик теннисчи Карлос Алькарас иккинчи, россиялик Даниил Медведев эса учинчи ўринда қолди. Турнирнинг яккалик баҳслари финалида Медведевни мағлуб этган италиялик Янник Синнер ҳамон тўртинчи ўринда.

Қозоғистонлик спортчиларнинг энг кучлиси Александр Бублик 27-ўринда қолди. Денис Евсеев саккизта поғона кўтарилиб, 176-ўринни эгаллади, Бейбит Жуқаев тўрт поғона кўтарилди - 189-ўрин.

Жуфтлик баҳсларида ҳиндистонлик Рохан Бопанна биринчи, унинг австралиялик шериги Метью Эбден иккинчи ўринни эгаллади, америкалик Остин Кражичек учинчи ўринда.

Топ 100 жуфтликдаги Қозоғистон вакиллари ўз ўрнини бой беришди: Александр Недовесов - 48 (-4), Андрей Голубев 64 - (-2) ўринни эгаллади.