Қозоғистонлик теннисчилар Хитойдаги мусобақани ғалаба билан бошлади
Қозоғистонлик Юлия Путинцева ва Анна Данилина Нинбо (Хитой) WТА 250 турнирини ғалаба билан бошлади, деб хабар беради Каzinform мухбири.
Қозоғистоннинг яккалик баҳслардаги иккинчи, жаҳоннинг 73-ракеткаси Юлия Путинцева ўзининг илк учрашувини дунё рейтингида 248-ўринни эгаллаб турган австралиялик Дарья Савиллга қарши ўтказди.
Қозоғистонлик теннисчи 6:1, 6:4 ҳисобида осон ғалаба қозонди. Юлия Путинцева чорак финал йўлланмаси учун дунёнинг ўн тўртинчи, турнирнинг 2-ракеткаси чехиялик Петра Квитова ёки 112-ўринни эгаллаб турган германиялик Анна-Лена Фридзам билан куч синашади.
Қозоғистоннинг жуфтлик баҳсларида биринчи, жаҳоннинг 32-ракеткаси Анна Данилина россиялик Александра Панова билан биргаликда чорак финалга чиқди. Мусобақанинг 2-ракеткаси сифатида рўйхатдан ўтган Қозоғистон-Россия жуфтлиги нидерландиялик Арианне Хартоно ва австралиялик Оливия Тьяндрамулияни мағлуб этди - 6:4, 7:5.
А.Данилина ва А.Панованинг навбатдаги рақиблари кейинроқ аниқланади.
Эслатиб ўтамиз, аввалроқ қозоғистонлик теннисчилар Осиё ўйинларини муваффақиятли бошлагани ҳақида хабар берган эдик.
Муаллиф: Адилжан Умбет
