Қозоғистонлик теннисчи Япониядаги турнирни ғалаба билан бошлади

ASTANA. Kazinform – Қозоғистонлик Бейбит Жукаев Япониядаги Йоккаити челленджер турнирни ғалаба билан бошлади, дея хабар беради Kazinform мухбири.
None

Дунёнинг 315-ракеткаси, Ақтау теннис мактаби битирувчиси, 22 ёшли Б.Жукаев ўзининг илк учрашувини дунё рейтингида 402-ўринни эгаллаб турган япониялик Юта Шимизу билан ўтказди.

Қозоғистонлик теннисчи 6:1, 6:4 ҳисобида зафар қучди.

Бир соатдан ортиқ давом этган мусобақа давомида Бейбит 7 та эйс амалга оширди ва 11 та брейк-пойнтдан 4 тасидан фойдаланди.

Б.Жукаев чорак финалга чиқиш учун дунё рейтингида 173-ўринни эгаллаб турган, мусобақанинг 3-ракеткаси, япониялик Есуке Ватануки билан куч синашади.

Бугун яна икки қозоғистонлик кортга чиқади. Италиядаги Андреа челленджер турнирида Михаил Кукушкин корт эгаси Андреа Арнабольди билан куч синашади. Тимофей Скатов эса Испаниядаги «Валенсия челленджер» учрашувида болгариялик Адриан Андреев билан куч синашади.

Эслатиб ўтамиз, аввалроқ қозоғистонлик теннисчиларнинг жаҳон рейтингидаги ўринлари аниқлангани ҳақида ёзган эдик.

Муаллиф: Ғайсағали Сейтақ

Сўнгги хабарлар