Қозоғистонлик теннисчи Монпелье турнирида иккинчи даврага йўл олди

ASTANA. Kazinform – Қозоғистонлик теннисчи, дунёнинг 59-ракеткаси Александр Шевченко Монпельеда (Франция) ўтказилаётган АТР 250 турнирининг иккинчи даврасига йўл олди.

александр шевченко
Фото: shevchenkoo_17/Instagram

Мусобақанинг 6-ракеткаси сифатида қайд этилган А.Шевченко биринчи даврада дунё рейтингида 194-ўринни эгаллаб турган чехиялик Далибор Сврчина билан учрашди.

Дастлабки партияда чехиялик теннисчи 3:0 ҳисобида олдинда бораётган бўлса-да, Шевченко бунга жавоб қайтарди – 6:4.

Бироқ иккинчи сетда Сврчина 6:4 ҳисобида устун келди.

Ҳал қилувчи учинчи партияда қозоғистонлик спортчи ғалаба қозонди – 6:4.

Икки соат 50 дақиқа давом этган баҳсда А.Шевченко 8 та эйс амалга оширди ва 22 та брейк-пойнтдан 7 тасидан унумли фойдаланишга муваффақ бўлди. Рақиб 6 та брейк (14 брейк-пойнт) билан ажралиб турди.

Александр Шевченко чорак финалга чиқиш учун дунёнинг 104-ракеткаси, франциялик Грегуар Баррер билан куч синашади.

Сўнгги хабарлар