Қозоғистонлик теннисчи Финляндияда «Челленджер» мусобақасининг чорак финалига чиқди

ASTANA. Kazinform – Жаҳон рейтингида 239-ўринни эгаллаб турган қозоғистонлик Михаил Кукушкин Хельсинкидаги турнирнинг иккинчи даврасида Евгений Карловскийни (298 APT) 6:2, 4:2 ҳисобида мағлуб этди, дея хабар беради Kazinform Қозоғистон теннис федерацияси матбуот хизматига таяниб.

Иккинчи сетда россиялик жароҳатини баҳона қилиб, жангни давом эттиришдан бош тортди. Михаилнинг чорак финалдаги рақиби кейинроқ германиялик Янник Ханфман ва британиялик Райан Пенистон ўртасидаги учрашувда аниқланади.

Яна бир қозоғистонлик Бейбит Жукаев Япониянинг Кобе шаҳрида бўлиб ўтаётган «Челленджер»нинг иккинчи даврасида австралиялик дунёнинг 84-ракеткаси Кристофер О’Коннеллга қарши кечган жангда мағлуб бўлди – 2:6, 7:6 (7:5), 2:6.

Эслатиб ўтамиз, аввалроқ қозоғистонлик теннисчилар халқаро турнирларни ғалаба билан бошлагани ҳақида ёзган эдик.