Қозоғистонлик спортчилар ёмби отиш бўйича Бутунжаҳон кўчманчилар ўйинларига тайёргарлигини кўрсатди
ALMATY. Kazinform - Алмати вилоятида сентябрь ойида Астана шаҳрида бўлиб ўтадиган V Бутунжаҳон кўчманчилар ўйинлари мусобақасида иштирок этадиган ёмби отиш (отда камондан отиш) спорти бўйича терма жамоа учун йиғин бўлиб ўтмоқда, деб хабар беради Kazinform ҚР Миллий спорт турлари ассоциациясига таяниб.
— V Бутунжаҳон кўчманчилар ўйинларига йил бошидан тайёргарлик кўрдик. Бу аллақачон биз ўтказаётган йиғиннинг учинчи босқичи, олдинда яна бир босқич бор. Йиғинда энг кучли спортчиларимиздан иборат икки жамоа қатнашмоқда. Ҳозир 70-80 фоизга тайёрмиз, ҳали қилинадиган ишлар бор. Ҳозир отларни спортга тайёрлаш билан ҳам шуғулланамиз. Кучли рақиб сифатида Мўғулистон, араб давлатлари, Индонезия, Малайзия, Венгрия вакилларини айтишим мумкин, - дейди ёмби отиш бўйича ҚР терма жамоаси бош мураббийи Елдос Бадашев.
— Ҳар куни тайёргарлик кўрамиз, машғулотлар юқори савияда. Умид қиламанки, V Бутунжаҳон кўчманчилар ўйинларида ҳам муносиб иштирок этиб, юртимиз шарафини муносиб ҳимоя қиламиз, — деди ёмби отиш бўйича ҚР терма жамоаси аъзоси Ералхан Айкўз.
Ёмби отиш бўйича республика федерацияси Қозоғистон Республикаси Миллий спорт турлари ассоциацияси таркибига киради. Бундан ташқари, ассоциация таркибига пойга, кўкпар(кўпкари), ағдаришмоқ, камондан отиш, сайёдчилик, ошиқ отиш, танга осиш, «JORYQ» ва бошқа федерациялар киради.
Эслатиб ўтамиз, 8—13-сентябрь кунлари Астана шаҳрида этник спорт турлари бўйича халқаро спорт мусобақалари – V Бутунжаҳон кўчманчилар ўйинлари бўлиб ўтади. Тадбирда 89 давлатдан икки мингдан ортиқ спортчи иштирок этади. Ўйинлар учта йўналишни - спорт, маданият ва фанни ўз ичига олади.
V Бутунжаҳон кўчманчилар ўйинларининг умумий соврин жамғармаси 253 миллион тенгени ташкил этиши аввалроқ хабар қилинган эди. Улар ҳар бир спорт тури учун индивидуал бўлади. Жамоавий баҳсларда, биринчи навбатда, кўкпар ва кўкбўру эканлиги маълум. Ғолиб жамоа 10 миллион тенге, иккинчи ўрин 6 миллион тенге, бронза медали соҳибига 4 миллион тенге мукофот пули берилади.
