Қозоғистонлик спортчи фристайл-акробатика бўйича Европа кубогида иккита медални қўлга киритди

ASTANA. Kazinform - Айроло шаҳрида (Швейцария) фристайл-акробатика бўйича Европа кубоги якунланди. Унда қозоғистонлик Динмуҳаммед Райимқулов иккита совринни қўлга киритди, деб хабар беради Kazinform агентлиги Қозоғистон Республикаси МОҚга таяниб.

Мусобақанинг биринчи кунида Райимқулов биринчи ўриндан бир қадам қолганди. Спортчи фақат Максим Кузнецовга (Украина) ютқазиб, иккинчи бўлди.

Иккинчи куни спортчи олтин медални қўлга киритишга муваффақ бўлди. Динмуҳаммед ҳал қилувчи ўйинда 96,58 балл тўплади.

Эслатиб ўтамиз, Алмати шаҳрида ўтказилган ўсмирлар ўртасидаги жаҳон чемпионатида фристайл-акробатика бўйича Қозоғистон терма жамоаси вакили Динмуҳаммед Райимқулов олтин медални қўлга киритган эди.