Қозоғистонлик оғир атлетикачи Осиё чемпионатининг кичик бронза медали соҳибига айланди

ASTANА. Kazinform - Қозоғистонлик спортчи Кирилл Староверкин Ўзбекистон пойтахти Тошкент шаҳрида ўтказилаётган оғир атлетика бўйича Осиё чемпионатида даст кўтаришда 150 кгни забт этиб, бронза медалини қўлга киритди.

Тошкентда ўтказилаётган Осиё чемпионатида эркаклар ўртасида 96 кггача бўлган энг яхши спортчилар аниқланди. Ушбу вазнда Қозоғистон шарафини Кирилл Староверкин ҳимоя қилди.

Натижада у даст кўтаришда 150 кгни забт этиб, бронза медалини қўлга киритди. У силтаб кўтаришда 180 кг, икки кураш натижасида эса 330 кг натижа билан 4-ўринни эгаллади.

Мусобақа натижалари:

1-ўрин – Жанубий Корея – Вон Йон Бём367 кг (161+205)

2-ўрин – Ўзбекистон – Суннатилла Ўсаров 346 кг (161+185)

3-ўрин – Қирғизистон – Нурсултон Тармалов 333 кг (149+184)

4-ўрин – Қозоғистон – Кирилл Староверкин 330 кг (150+180)

Эслатиб ўтамиз, Тошкентда оғир атлетика бўйича ўтказилаётган Осиё чемпионатида икки нафар қозоғистонлик 2 та кумуш медални қўлга киритган эди. Шу жумладан, Сайрамкез Ақмолда 67 кг вазн тоифасида, Александр Уваров эса 81 кг вазнда иккинчи ўринни эгаллади.

10 февралга қадар давом этадиган қитъа чемпионатида Париж Олимпиадасида иштирок этиш имконини берувчи рейтинг очколари тақсимланади.

​