Қозоғистонлик курашчилар Жанубий Кореядаги турнирда олтита совринни қўлга киритди
ASTANA. Kazinform - Сангжу шаҳрида (Жанубий Корея) кураш бўйича Korea Open халқаро турнири якунланди. У ерда қозоғистонлик спортчилар олтита медални қўлга киритди, дея хабар беради Kazinform агентлиги ҚР Миллий олимпия қўмитасига таяниб.
Элмира Сиздиқова мусобақани олтин медаль билан якунлади. У 76 килограмм вазн тоифасида энг яхши натижага эришди.
Юнон-рум кураши баҳсларида Айбек Айтбеков (60 килограммгача) ва Диас Сейтқалиев (77 килограммгача) финалга чиқди. Бироқ улар ҳал қилувчи жангларда мағлуб бўлиб, кумуш медални қўлга киритишди.
Мақсат Сайлау, Темирлан Турдақин (иккаласи 87 кг гача), Нурасил Аманали (97 кг гача) учинчи ўринни эгаллади.
Аввалроқ қозоғистонлик курашчилар Ереванда бўлиб ўтган турнирда учта олтин ва тўртта бронза медалини қўлга киритгани ҳақида хабар берилганди.
