Қозоғистонлик дзюдочилар Осиё кубогининг биринчи кунида 5 та олтин медални қўлга киритди

ASTANA. Kazinform – Алмати шаҳридаги Балуан Шолақ номидаги спорт саройида дзюдо бўйича ўсмирлар ва ёшлар ўртасида Бекет Махмутов хотирасига бағишланган Осиё кубоги мусобақаси бўлиб ўтмоқда, дея хабар беради Kazinform мухбири.

Қозоғистон дзюдо федерацияси матбуот хизмати хабарига кўра, қозоғистонликлар биринчи куни 5 та олтин, 2 та кумуш ва 7 та бронза медалини қўлга киритди.

Алматида ўтказилаётган Осиё кубогида Грузия, Греция, Қирғизистон, Латвия, Мўғулистон, Тожикистон, Туркманистон, АҚШ, Ўзбекистон ва Қозоғистондан 680 нафар дзюдочи иштирок этмоқда.

7 апрель куни ўсмир ўғил болалар 50, 55, 60, 66 ва 73 килограммгача, қизлар эса 40, 44, 48, 52 ва 57 килограммгача вазн тоифаларида ўзаро баҳслашди.

Муаллиф: Ғайсағали Сейтақ