Қозоғистонлик Дмитрий Попко қаторасига 20 ўйинда ғалаба қозонди

ASTANА. Кazinform — Қозоғистонлик теннисчи, дунёнинг 276-ракеткаси Дмитри Попко Ресифи (Бразилия) ITF турнирининг иккинчи босқичига йўл олди.

Мусобақанинг 2-ракеткаси сифатида рўйхатдан ўтган қозоғистонлик теннисчи дунё рейтингида 956-ўринни эгаллаб турган Пауло Андре Дос Сантосга қарши биринчи учрашувни муваффақиятли ўтказди. Попко бразилиялик рақибини 6:3, 6:1 ҳисобида мағлуб этди.

Энди у чорак финал йўлланмаси учун 969-ўринни эгаллаган франциялик Куентин Фоллиот билан беллашади.

Бунгача қозоғистонлик теннисчи АҚШнинг Флорида штатида бўлиб ўтган ITF йўналиши бўйича учта мусобақада ғолиб чиққан ва Аргентинанинг Тукуман шаҳрида финалга чиққан. Тукумандда бразилиялик Педро Сакамото билан бўлиб ўтган финал учрашуви об-ҳаво туфайли бекор қилинди ва очколар финалчилар ўртасида тенг тақсимланди.

Ўша ўйинни ҳисобга олмасак, Попко кетма-кет 20 учрашувда ғалаба қозонган.

Эслатиб ўтамиз, аввалроқ Михаил Кукушкиннинг ғалабали серияси 13 тага етгани ҳақида хабар берган эдик. Шунингдек, қозоғистонлик теннисчилар Индиан-Уэллс турнирини ғалаба билан бошлади.