Қозоғистонлик Бахтиёр Зайнутдинов «Бешиктош» сафида илк ўйинини ўтказди ва ўзининг илк голини киритди

ASTANА. Кazinform – Қозоғистон терма жамоаси ярим ҳимоячиси Бахтиёр Зайнутдинов Туркиянинг «Бешиктош» жамоаси сафида илк ўйинини ўтказди ва ўзининг илк голини урди, деб хабар беради Kazinform мухбири.

Ушбу тарихий лаҳза Туркия клубининг Конференциялар лигаси плей-офф босқичида Украинанинг «Динамо Киев» жамоасига қарши учрашувида қайд этилди.

Қозоғистонлик футболчи иккинчи бўлимнинг 46-дақиқасида жамоадоши Артур Масуакуни алмаштирди. Конго Демократик Республикаси футболчиси биринчи бўлимда олган жароҳати туфайли ўйинни давом эттира олмади.

Учрашувнинг 95-дақиқасида у рақиб жамоа дарвозасини аниқ нишонга олди ва ғалаба келтирди.

Учрашувда «Бешиктош» 3:2 ҳисобида зафар қучди.

Жавоб учрашуви 31 август куни бўлиб ўтади.

Эслатиб ўтамиз, Бахтиёр Зайнутдинов шу йилнинг 18 август куни Истанбул клуби билан шартнома имзолаган эди. У янги жамоасида 2027 йилнинг 30 июнига қадар ўйнаши мумкин.

Бахтиёр Зайнутдинов 1998 йил 2 апрелда туғилган. Бунгача у Қозоғистоннинг «Тараз», «Астана», Россиянинг «Ростов» ва ЦСКА жамоалари шарафини ҳимоя қилган.

Эслатиб ўтамиз, «Астана» Конферентсиялар лигаси плей-офф босқичидаги илк ўйинида ғалаба қозонди.

Муаллиф: Адилжан Умбет