Қозоғистонлик Александр Недовесов Австриядаги мусобақанинг ярим финалига чиқди

ASTANА. Кazinform – Қозоғистоннинг жуфтлик баҳсларидаги биринчи, дунёнинг 45-ракеткаси Александр Недовесов Кицбюэлда (Австрия) ўтказилаётган АТP 250 турнирининг ярим финалига чиқди, деб хабар беради Кazinform мухбири.

Мусобақанинг 4-ракеткаси сифатида рўйхатдан ўтган қозоғистонлик теннисчи эквадорлик Гонсало Эскобар билан биргаликда чорак финалда монаколик Ромен Арнеодо ва австриялик Сэм Вайссборнга қарши кортга чиқди.

Дастлабки партияда Қозоғистон-Эквадор жуфтлиги 6:3 ҳисобида ғалаба қозонди. Иккинчи сетда ҳам улар 2:0 ҳисобида олдинга чиқиб олишди. Яна бир брейк – 5:2.

Кейин эса учрашувни ғалаба билан якунлади - 6:2. Бир соатдан ортиқ давом этган мусобақада 3 та эйс амалга оширди ва 7 та брейк-пойнтдан 4 тасини фойдаланди.

Александр Недовесов ва Гонсало Эскобар финалга чиқиш учун мусобақанинг 2-ракеткаси ғолиби италиялик Симоне Болелли – Андреа Вавассори ёки португалиялик Франсишку Кабраль - бразилиялик Рафаэль Матос билан куч синашади.

Эслатиб ўтамиз, аввалроқ Александр Недовесов Австриядаги турнирда чорак финалга чиққани ҳақида хабар берган эдик.

Муаллиф: Ғайсағали Сейтақ