Қозоғистонлик Александр Бублик АТР рейтингининг кучли 30 талигига яқинлашди
Профессионал теннисчилар уюшмаси (АТР) яккалик ва жуфтлик баҳсларида спортчилар рейтингининг сўнгги версиясини эълон қилди, деб хабар беради Каzinform агентлиги Sports.kzга таяниб.
Сербиялик Новак Жокович жаҳоннинг биринчи ракеткаси бўлиб қолмоқда, испаниялик Карлос Алькарас ва россиялик Даниил Медведев кейинги ўринларда.
Қозоғистон вакилларидан энг кучлиси Александр Бублик бир поғона юқорилаб, 31-ўринга кўтарилди. Денис Евсеев ўз позициясини олти поғонага яхшилади ва 184-ўринни эгаллади. Бейбит Жуқаев 188-ўринда қолди.
Жуфтлик баҳсларида америкалик Остин Крайчек, хорватиялик Иван Додиг ва ҳиндистонлик теннисчи Рохан Бопанна пешқадамлик қилмоқда.
Қозоғистонлик теннисчилар Александр Недовесов ва Андрей Голубев биттадан позицияни йўқотиб, мос равишда 46 ва 62-ўринларни эгаллаб туришибди.
