Қозоғистондан Япониягача: дунёнинг турли мамлакатларида янги ўқув йилининг бошланиши

ASTANA. Kazinform - Бир неча кундан кейин Қозоғистонда мактаб ўқувчилари ўз парталарига қайтадилар. Гарчи биз учун ўқув йили Билимлар куни - 1 сентябрда тантанали йиғилиш билан бошланиши одатий ҳол бўлса-да, бу ҳамма жойда ҳам шундай эмас. Январь ёки март ойларида болалар мактабни бошлайдиган давлатлар ҳам бор. Батафсил Кazinform агентлигининг материалида ўқинг.

Қозоғистон, Россия, Беларусь, Украина, Қирғизистон ва Туркманистонда ўқув йили одатда 1 сентябрда бошланади. Ўзбекистонда Мустақиллик байрами муносабати билан тўрт кунлик дам олиш кунларидан сўнг, 4 сентябрь куни янги ўқув йили бошланади.

Венгрия мактабларида ўқув йили 1 сентябрда бошланади ва июнь ойининг ўрталаридан охиригача давом этади. Ирландияда ҳам мактаб ўқувчилари 1 сентябрь куни дарсга боришади.

Польшада бу йил 1 сентябрь якшанба кунига тўғри келгани учун янги ўқув йили дарсларс 2 сентябрда бошланади. Дарсларнинг тугаши 27 июнга белгиланган.

Бельгияда ўқув йили 26 августда бошланиб, 4 июлда тугайди. Финляндия мактаб ўқувчилари учун мактаб август ойида бошланади ва май ойининг охирида ёки июнь ойининг бошида тугайди. Ўқув йилининг бошланиши турли шаҳарларда фарқ қилиши мумкин.

Швецияда ўқув йили август ойида бошланади. Исроилда - 1 сентябрдан.

Америка мактабларида ўқув йили август ойининг бошида ва сентябрь ойининг бошида бошланади. Ҳаммаси давлатга боғлиқ.

Германияда ҳам мактаб турли вақтларда бошланади. Одатда - август-сентябрь ойларида. Шундай қилиб, Гессен, Рейнланд-Пфальц ва Саареда дарслар 24 августда бошланди. Баден-Вюртембергда дарслар 8 сентябрда, Баварияда 9 сентябрда, Берлинда янги ўқув йили 2 сентябрда бошланади.

Англияда мактаб сентябрь ойида, одатда ойнинг биринчи душанбасида бошланади. Аммо бошланиш санаси мактабдан мактабга фарқ қилиши мумкин.

Италияда ўқув йили 5 сентябрдан 16 сентябргача бошланади, шимолий Больцано провинцияси болалари биринчи бўлиб мактабга қайтадилар.

Туркияда дарслар 9 сентябрдан бошланади. Хитойда ўқув йили худди бизникига ўхшаб 1 сентябрда бошланади.

Японияда ўқув йили апрелда бошланиб, мартда тугайди. Таиланд мактаб ўқувчилари учун мактаб май ойида бошланади.

Жанубий Кореяда ўқув йили март ойида бошланади. Бразилияда - февралда. Сингапурда ўқув йили январь ойида бошланади.

Эслатиб ўтамиз, Қозоғистонда янги ўқув йилида 350 мингдан ортиқ мактаб ўқувчиси биринчи синфга боради. Болаларнинг 70 фоизи давлат тилида таҳсил олади.