Қозоғистондаги афғон товарлари кўргазмасида қуроллар намойиш этилгани ростми

ALMATY. Kazinform – Бир неча кун олдин Алматида Афғонистон товарлари кўргазмаси бўлиб ўтди. Ўша кўргазмада қуролга ўхшаш нарсалар намойиш этилаётгани ҳақидаги маълумотлар интернетда тарқалди.

ҚР Савдо ва интеграция вазирлиги расмий маълумотига кўра, кўргазмада қўлда тўқилган гиламлар, мева-сабзавотлар, ёнғоқлар, заъфарон чойи, антиқа буюмлар, қурилиш материаллари, қимматбаҳо тошлар, қандолат маҳсулотлари ва бошқа кўплаб анъанавий афғон товарлари намойиш этилган.

Бугун ҚР Ҳукумати йиғилишидан кейин бўлиб ўтган матбуот анжуманида оммавий ахборот воситалари вакиллари Қозоғистон Республикаси Бош вазири ўринбосари Серик Жуманғариндан кўргазмада буюмлар, жумладан, қуролга ўхшаш буюмлар бор-йўқлигига аниқлик киритишни сўради.

“Афғон халқи туғма ҳунарманд. Бу дунёнинг тарихий чорраҳаси. Уларнинг металл буюмларини кўрдингизми? Кўргазмада арматурадан ясалган оғир болғани кўрдим, яъни у металлдан ҳар қандай нарсани ясай олади. Улар ажойиб маҳсулотлар ишлаб чиқарадилар, ҳамма нарса инновациялар билан боғлиқ. Одамлар кўргазмадаги дубулға ва бошқа эсдалик совғаларини сотиб олишлари мумкин”, – деб жавоб берди Серик Жуманғарин брифингда.

Шу тариқа, Бош вазир ўринбосарининг айтишича, Афғонистон товарлари кўргазмасида ҳеч қандай қурол-яроғ қўйилмаган.

Эслатиб ўтамиз, Қозоғистон ва Афғонистон ўртасидаги товар айирбошлаш ҳажми 330,7 миллион долларга етган.

Афғонистон орқали юк ташаётган ўзбекистонликлар учун йўл харажатлари арзонлашади.

Қозоғистон Афғонистонга автомобиль экспорт қилади.