Қозоғистонда университет битирувчилари исталган давлат хизматига танловсиз киришлари мумкин

ASTANA. Kazinform – Давлат гранти асосида таълим муассасаларини муваффақиятли тамомлаган битирувчилар туман ва қишлоқлардаги қуйи лавозимларга танловсиз бевосита тайинланади. Бу ҳақда Марказий коммуникациялар хизматида бўлиб ўтган брифингда Давлат хизматлари агентлиги раиси ўринбосари Азамат Жолманов маълум қилди, деб хабар беради Kazinform мухбири.

«Қозоғистон таълим муассасаларини давлат гранти асосида муваффақиятли тамомлаган битирувчилар туман ва қишлоқлардаги қуйи лавозимларга танловсиз бевосита тайинланади. Улар туман, вилоят аҳамиятига эга шаҳар ҳокими ва масъул аппаратининг қуйи лавозимига, маҳаллий бюджетдан молиялаштириладиган ижро этувчи орган раҳбаридан бошқа лавозимга тайинланиши мумкин. Бундан ташқари, улар туман аҳамиятига молик шаҳар, қишлоқ, посёлка, қишлоқ округи ҳокими аппарати раҳбаридан бошқа лавозимларга, марказий давлат органи ҳудудий бошқармаси ва вилоят аҳамиятига эга бўлган шаҳарнинг ижро этмайдиган давлат маъмурий лавозимларига жойлаштирилиши мумкин», - деди у.

Азамат Жолмановнинг айтишича, бу малакали ёшларни давлат хизматига рағбатлантириш, туман ва қишлоқларга ёш мутахассисларни жалб этиш, ҳудудларда кадрлар тақчиллигини камайтиришга хизмат қилади.

Муаллиф: Алихан Асқар