Қозоғистонда сув соҳасига ихтисослашган олий таълим муассасаси ташкил этилиш мумкин
ASTANA. Kazinform - Президент маслаҳатчиси Қанат Бозимбаев «Global Water» деб номланган сувни тежаш технологиялари бўйича биринчи халқаро форумда мамлакатда сув соҳасига ихтисослашган университет ташкил этилиши мумкинлигини маълум қилди.
“Умуман олганда, кўп сув истеъмол қиладиган экин майдонларини қисқартириш ва у ерларга экиладиган эканиларни энг кам сув сарфлайдиган экинлар билан алмаштириш зарур. Сув таъминоти соҳасида сувдан интенсив фойдаланиш, чиқинди сувларни тозалаш ва истеъмол қилиш усулларидан фаол фойдаланишда катта имкониятларни кўрамиз. Ҳар қандай йирик сув истеъмол қилувчи корхонада сув истеъмолини 25-30 фоизга камайтиришга қаратилган чора-тадбирлар режаси бўлиши керак. Бундай ишларни ҳозирдан бошлаш керак”, - деди Қанат Бозимбаев.
Шунингдек, мамлакатдаги сувнинг катта қисми буғланиш натижасида йўқолиб бораётганини таъкидлади.
“Бу борада халқаро тажрибани ҳисобга олиш жуда муҳим. Афсуски, мамлакатимизда сув хўжалиги соҳасидаги илмий тадқиқотлар бошқа мамлакатларга нисбатан бирмунча орқада қолмоқда. Энди биз бу соҳада ҳеч қачон бўлмаган сифатли мутахассисларга муҳтожмиз. Мамлакатимиздаги таянч олий таълим муассасаларидан бирини тоза сув мавзусига ихтисослашган олий ўқув юрти сифатида қайта тиклаш масаласи кўриб чиқиляпти”, – деди Президент маслаҳатчиси.
Муаллиф: Есимжан Нақтибай
