Қозоғистонда «Бокс куни» бўлиб ўтди – вазир жаҳон чемпионатидаги ютуқлар ҳақида

None
ASTANА. Кazinform - Кечаги муваффақиятни катта тарихий ғалаба дейиш мумкин. Бу ҳақда бугун пойтахт аэропортида бокс бўйича жаҳон чемпионларини кутиб олиш маросимида Маданият ва спорт ишлари вазири Асхат Оралов маълум қилди, деб хабар беради Kazinform мухбири.

«Улар бугунги кун қаҳрамонлари деб аниқ айта оламиз. Кечадан буён қаҳрамонларимиз профессионал боксда ҳам ғалаба қозонишмоқда. Қозоғистонда норасмий равишда «Бокс куни» эди. Осиё чемпионати шу йилнинг кузида бўлиб ўтади. Келгуси йил катта синовлар йили. Олимпиада Парижда бўлиб ўтади. Ўша мусобақаларга пухта тайёргарлик кўришимиз, спортчиларни қўллаб-қувватлашимиз керак», — деди Асхат Оралов.

Вазир, шунингдек, боксчиларнинг жаҳон чемпионатидаги натижаси тарихий ғалаба эканини таъкидлади.

– Халқимиз бокснинг «олтинига» ўрганиб қолган. Кечаги муваффақиятни катта тарихий ғалаба дейиш мумкин. Келгусида ҳам бу муваффақият билан тўхтаб қолмаймиз», - деди вазир.

Эслатиб ўтамиз, Қозоғистон терма жамоаси Ўзбекистонда ўтказилган жаҳон чемпионатини 4 та олтин ва 1 та кумуш медаль билан якунлади.

Муаллиф: Алихан Асқар


Сўнгги хабарлар
telegram