Қозоғистон ёшлар терма жамоаси жаҳон чемпионатида кучли ўнталикка кирди
Қозоғистоннинг 16 ёшгача бўлган қизлар терма жамоаси Испаниянинг Кордова шаҳрида бўлиб ўтган Billie Jean King Juniors Finals турнир натижаларига кўра кучли ўнталикка кирди, дея хабар беради Kazinform мухбири.
Қозоғистон теннис федерациясининг хабар беришича, бу 16 ёшгача бўлган қизлар ўртасидаги биринчи жамоавий жаҳон чемпионати бўлди.
Дастлаб Қозоғистон B гуруҳида учинчи ўринни эгаллади. Дастлабки баҳсда Аргентинани 2:1 ҳисобида мағлуб этган бўлса-да, Бразилия ва Буюк Британияга имкониятни бой берди. Қўшимча баҳсда Қозоғистон терма жамоаси Жазоирни яққол устунлик билан мағлуб этди – 3:0. Кейин эса Колумбия ва Латвия терма жамоалари устидан 2:1 ҳисобида зафар қучди.
Шу тариқа, Марат Шарипов шогирдлари дунёнинг энг кучли 16 жамоаси орасида 9-ўринни эгаллади.
Жаҳон чемпионатида Қозоғистон шарафини Полина Слепцова, Анастасия Кримкова ва Инкар Дуйсебай ҳимоя қилди. Жамоа сардори Марат Шарипов.
Муаллиф: Ғайсағали Сейтақ
