Қозоғистон ва Ўзбекистон президентлари “Медеу” спорт мажмуасига ташриф буюрди
ALMATY. Кazinform — Қасим-Жомарт Тоқаев ва Шавкат Мирзиёев “Медеу” муз майдонини бориб кўрди ва тоғ чотқолида жойлашган ноёб иншоот ҳақида ҳикоя қилувчи фотокўргазма билан танишди. Бу ҳақда Ақорда маълум қилди.
Қасим-Жомарт Тоқаев ва Шавкат Мирзиёев «Медеу» муз майдонини бориб кўрди ва тоғ чотқолида жойлашган ноёб иншоот ҳақида ҳикоя қилувчи фотокўргазмани томоша қилди.
— Муз майдони жаҳон спорти тарихида алоҳида ўрин тутади. Президентларга 1972-1991 йилларда бу ерда эркаклар ва аёллар ўртасида ўтказилган мусобақаларда барча масофаларда 247 рекорд ўрнатилгани маълум қилинди. “Медеу” ҳанузгача Қозоғистоннинг энг машҳур сайёҳлик жойларидан бири бўлиб қолмоқда, — дейилади хабарда.
2024-2025 йилги мавсумда муз майдонига 460 минг киши ташриф буюрган. Давлат раҳбарларига “Медеу”ни барқарор туризм моделига эга жаҳон даражасидаги марказга айлантиришга қаратилган янги ривожланиш лойиҳаси тақдим этилди. Қасим-Жомарт Тоқаев ва Шавкат Мирзиёев алматилик спортчи Евгений Кошкин билан суҳбатлашди.
У бу йилги жаҳон чемпионатининг сўнгги икки босқичида ғолиб чиқди, жаҳон чемпионати ва Осиё ўйинларида медаллар қўлга киритди. Яқинда Қозоғистонда ўтказилган спартакиадада спортчи 100 метр (9,31 сония) масофага норасмий жаҳон рекордини янгилаб, яққол ғалаба қозонди. Сўнг давлат раҳбарлари фигурали учувчиларнинг чиқишларини томоша қилишди.
Аввал хабар қилинганидек, Ўзбекистон Президенти Шавкат Мирзиёев амалий ташриф билан Қозоғистонга келди.
Ташриф доирасида ҚР Президенти ва Шавкат Мирзиёев Алмати тоғ-чанғи кластери билан танишди.
