Қозоғистон ва Ўзбекистон президентлари Қастеев ва Тансиқбоев асарларини томоша қилишди
ALMATY. Kazinform - Қасим-Жомарт Тоқаев ва Шавкат Мирзиёев Абилхан Қастеев номидаги Миллий санъат музейига ташриф буюрди.
Мартабали меҳмонларга халқ артисти Абилхан Қастеев ҳаёти ва ижоди ҳақида маълумот берилди. Музей коллекциясида рассомнинг ижодий фаолиятининг асосий босқичларини акс эттирувчи 450 га яқин асарлар ва график картиналар мавжуд.
Икки мамлакат президентлари ўзбек тасвирий санъати асосчиларидан бири, этник қозоқ рассоми Ўрол Тансиқбоев ижодига бағишланган ретроспектив кўргазмани ҳам томоша қилдилар.
Кўргазмада И.В. Савицкий номидаги Қорақалпоғистон давлат санъат музейи, Ўрол Тансиқбоев уй музейи, Ўзбекистон давлат санъат музейи, Абилхан Қастеев номидаги Миллий санъат музейидан 76 та асар намойиш этилмоқда.
Президентлар мўйқалам устасининг бетакрор дастхати ва миллий тасвирий санъатга ҳисса қўшган ижодий мероси билан танишди.
Ўрол Тансиқбоевнинг турли даврларга оид расмлари илк бор бир жойга тўпланди. 1920 йилларнинг охири ва 1930 йилларнинг бошидаги дастлабки асарлардан тортиб, илиқлик давридаги йирик полатноларгача мавжуд.
Эслатиб ўтамиз, Қозоғистон ва Ўзбекистон етакчиларининг норасмий учрашуви бўлиб ўтди.
