Қозоғистон «Универсиада-2023»нинг иккинчи «олтин»ини қўлга киритди

ASTANA. Kazinform – Қозоғистонлик Данил Василев чанғидан сакраш бўйича АҚШнинг Лейк-Плэсид шаҳрида бўлиб ўтаётган Универсиадада олтин медални қўлга киритди, деб хабар беради Kazinform Sports.kzга таяниб.

Василев оддий чанғидан сакраш мусобақасида ғолиб чиқди. Биринчи уринишда 127,2 балл билан биринчи ўринни эгаллаган бўлса, сўнгги турда иккинчи (130,1) ўринни эгаллади. Икки босқич якунида қозоғистонлик спортчи австриялик Максимиллиан Линчерни (251,4) ва Тимон Паскал Кахоферни (248,8) ортда қолдириб, 257,3 балл билан энг яхши натижани қайд этди.

Қозоғистоннинг бошқа спортчиларининг натижалари қуйидагича: Сергей Ткаченко – еттинчи (220,9), Никита Девяткин - тўққизинчи (216,2), Святослав Назаренко – 20чи (147,3), Мағжан Амангелдиули – 21чи (144,5).

Василевнинг медали Қозоғистон учун бу йилги Универсиададаги иккинчи медал бўлди. Бунгача биринчи «олтин»ни биатлончи Вадим Куралес қўлга киритган эди.

Фото: olympic.kz