Қишки Универсиадада Қозоғистон ўзининг илк олтин медалини қўлга киритди

None
ASTANA. Kazinform - Қозоғистонлик биатлончи Вадим Куралес Лейк-Плэсидда (АҚШ) ўтказилаётган қишки Универсиадада зафар қучди, деб хабар бермоқда Kazinform мухбири.

Вадим Куралес 15 километр масофага индивидуал пойгада маррага биринчи бўлиб етиб келди.

Пойга йўлига 16-ўриндан кирган Вадим атиги бир марта (0+1+0+0) мўлжалдан адашди ва 42:37,4 дақиқа натижа кўрсатди.

Норвегиялик биатлончи Эрьян Мосенг қозоғистонлик биатлончидан 42,6 сония ортда қолиб, иккинчи ўринни эгаллади. Кучли учликни франциялик Аксел Гарниер (+1:16,5) якунлади.

Бу масофада, шунингдек, қозоғистонлик Александр Мухин, Кирилл Бауер ва Бекентай Турлибековлар ҳам беллашишди, бироқ улар совринни қўлга кирита олишмади.

Шу тариқа, Қозоғистон терма жамоаси биринчи соврин – олтин медалга эга бўлди.

Муаллиф: Ғайсағали Сейтақ

Фото: sports.kz

Сўнгги хабарлар
telegram