Қозоғистон теннисчиларининг жаҳон рейтингидаги ўрни аниқланди

Профессионал теннисчилар уюшмаси (ATP) янгиланган рейтингини эълон қилди, деб хабар беради Kazinform мухбири.

Қозоғистоннинг биринчи ракеткаси Александр Бублик 31-ўриндан 27-ўринга кўтарилди. Қозоғистонлик теннисчи ўтган йилги энг яхши кўрсаткичига (25) яқинлашди.

Денис Евсеев 184-ўринда қолди, Бейбит Жуқаев эса 188-ўриндан 193-ўринга тушиб кетди.

Тимофей Скатов 228-дан 227-ўринга, Аргентинадаги Буэнос-Айрес турнирида финалга чиққан Дмитрий Попко эса 417-дан 358-ўринга кўтарилди. Михаил Кукушкин 262-ўринда.

Қозоғистоннинг жуфтликлар басҳларидаги биринчи ракеткаси Александр Недовесов 46 тадан 44 тага кўтарилган бўлса, Андрей Голубевнинг позицияси ўзгармади (64).

Аёллар теннис уюшмаси (WТА) рейтингида Қозоғистоннинг етакчи теннисчиси Елена Рибакина кучли учликдан, Юлия Путинцева эса 64-ўриндан жой олган.

Жуфтлик баҳсларида Анна Данилина 44-ўринда қолган бўлса, Жибек Қуламбаева 144-дан 141-ўринга кўтарилди.

Австралия очиқ чемпионатида бугун қозоғистонликлардан биринчи бўлиб Юлия Путинцева кортга чиқади. У дунёнинг 190-ракеткаси россиялик Анастасия Захаровадан ўтиб кетишга ҳаракат қилади.

Муаллиф: Ғайсағали Сейтақ