Қозоғистон теннисчиларининг янгиланган AТP ва WТА рейтингидаги ўринлари маълум бўлди

ASTANA. Kazinform – Профессионал теннисчилар ассоциацияси (APT) ва Аёллар теннис ассоциацияси (WТА) рейтингларининг янгиланган версияси эълон қилинди, дея хабар беради Kazinform Sports.kzга таяниб.

Дунёнинг биринчи ракеткаси испаниялик Карлос Алькарас, иккинчи ўринда унинг ҳамюрти Рафаэль Надал, учинчи ўринни норвегиялик Каспер Рууд сақлаб қолди.

Қозоғистон вакилларининг энг кучлиси Александр Бублик 37-ўринда қолди, Тимофей Скатов 142-поғонани сақлаб қолди, Михаил Кукушкин уч қатор орқада – 188-ўринни эгаллади.

Жуфтликлар рейтингида голландиялик теннисчи Уэсли Кулхоф ва британиялик Нил Скупский ҳамон биринчи, америкалик Раджив Рам эса учинчи ўринда.

47 ва 50-чи қаторларни мос равишда қозоғистонлик Андрей Голубев ва Александр Недовесов эгаламоқда. Бублик ўз позициясини ўзгартирмади - 170-ўрин.

Аёллар теннис ассоциациясининг (WТА) янгиланган версиясида яккалик ва жуфтлик баҳсларида польшалик Ига Свентек биринчи, тунислик теннисчи Онс Жабер иккинчи, америкалик Джессика Пегула учинчи ўринни эгаллаб турибди.

Қозоғистоннинг биринчи ракеткаси Елена Рибакина вазиятни ўзгартирмади, 21-ўринда қолди. Юлия Путинцева ҳамон 51-ўринда.

Жуфтлик баҳсларида чехиялик Катерина Синякова пешқадамлик қилмоқда, россиялик Вероника Кудерметова ва чехиялик яна бир спортчи Барбора Крейчикова учинчи ўринда.

Фото: ktf.kz