Қозоғистон ўқ отиш бўйича жаҳон чемпионатида яна 2 та медални қўлга киритди

ASTANA. Kazinform – Озарбайжон пойтахти Бокуда нишонга отиш бўйича жаҳон чемпионатида қозоғистонликлар яна 2 медални қўлга киритди, деб хабар беради Kazinform мухбири.

ҚР Спортни ривожлантириш дирекцияси хабарига кўра, бу сафар Александра Садуақасова олтин, Зухара Ерназарова кумуш медални қўлга киритди.

Зуҳра ва Александра 10 метрга ўзгарувчан ритм билан ҳаракатланувчи нишонда финал баҳсларида асосий босқичда 378 очко жамғариб, дурангга эришди. Қўшимча раундда Александра ўз мерганлигини кўрсатди (19:13) ва чемпион бўлди.

Кеча Зухра ғолиб бўлган бўлса, Александра иккинчи ўринда эди.

Айни пайтда Қозоғистон терма жамоаси нишонга отиш бўйича жаҳон чемпионатида 2 олтин, 2 кумуш, 1 бронза медали билан 9-ўринга кўтарилиб олди.

Эслатиб ўтамиз, аввалроқ қозоғистонлик мерган нишонга отиш бўйича жаҳон чемпиони бўлгани ҳақида ёзган эдик.

Муаллиф: Ғайсағали Сейтақ