Қозоғистон Франция ва Польшага олма экспорт қилишни режалаштирмоқда

Қозоғистон Республикаси Адлия вазири Азамат Есқараев Алмати апортига миллий бренд мақомини бериш бўйича олиб борилаётган ишлар ҳақида маълум қилди, деб хабар беради Каzinform агентлиги.

“Апортга келсак, маълум бир қувонч билан айтишим мумкинки, биз Қозоғистон учун географик кўрсаткични рўйхатдан ўтказдик, Алмати апорти географик жиҳатдан бу қозоқ бренди эканлигини кўрсатади”, – деди Азамат Есқараев Ҳукумат йиғилишида.

Унинг сўзларига кўра, бу 2023 йил 13 октябрда содир бўлган.

“Ҳозир апортни халқаро брендга айлантириш устида ишлаяпмиз. Шу мақсадда тегишли уюшма Франция, Польша ва шу каби ривожланган давлатларга маҳаллий олмаларимизни экспорт қилиш учун материаллар тақдим этиш билан шуғулланмоқда”, – дея қўшимча қилди Вазир.