Қозоғистон байроғи Нью-Йоркдаги Уолл-стритда ҳилпиради
NEW YORK. Kazinform – Қозоғистоннинг Республика кунини нишонлаш шарафига Нью-Йоркнинг тарихий қисмида Қозоғистон давлат байроғини кўтариш маросими бўлиб ўтди. Бу ҳақда Қозоғистон Республикаси Ташқи ишлар вазирлиги матбуот хизмати хабар берди.
Тадбирда Нью-Йорк шаҳри мэрияси, қозоқ диаспораси, ишбилармонлар ва талабалар ҳамжамияти вакиллари, шунингдек, хорижий давлатлар дипломатлари, Қозоғистон Республикасининг БМТдаги доимий ваколатхонаси ва ҚР Бош консуллиги вакиллари иштирок этди.
“Уолл-Стритдаги Манхэттеннинг асосий бизнес қисмида Қозоғистон Республикаси байроғини кўтариш маросими яхши анъана ва муҳим воқеага айланиб бормоқда. Нью-Йорк мэри Эрик Адамс ўз нутқида Қозоғистон халқини Республика куни билан табриклади ва икки давлат ўртасидаги муносабатлар ривожида ижобий динамикани қайд этди. “Биз сизнинг шаҳар маданиятига олиб келаётган ҳиссангизни қадрлаймиз” деди мэр барча қозоғистонликларга фаровонлик тилаб», – дейилади ҚР Ташқи ишлар вазирлиги баёнотида.
Қозоғистон Республикасининг Нью-Йоркдаги Бош консули Рауан Тлеулин ўз нутқида Республика кунининг тарихий аҳамиятини таъкидлаб, давлат рамзлари асосий қадриятлар ва ғояларни ўзида мужассамлаштирганини, миллий бирдамлик ва юртдаги ғурур-ифтихор тимсоли эканини таъкидлади.
Аввалроқ Қозоғистон Республикаси Президенти Республика куни муносабати билан давлат мукофотларини топшириш маросимида нутқ сўзлагани хабар қилинганди.
