Қирғизистонлик футболчи украиналик футболчини уриб, жағини синдирди
BISHKEK. Кazinform - Қирғизистон терма жамоаси футболчиси Мирбек Ахматалиев Жалолободнинг “Мурас Юнайтед” жамоасининг украиналик футболчиси билан жанжаллашгани учун 5 йилга дисквалификация қилинди. Бу ҳақда AKIpress Қирғизистон футбол иттифоқига таяниб хабар беради.
Қайд этилишича, жорий йилнинг 15 август куни Бишкекдаги “Сельмаш” стадионида “Мурас Юнайтед” жамоаси машғулотлари вақтида футболчилар билан боғлиқ воқеа содир бўлганди. Яъни, йиғин давомида Ахматалиев клубнинг легионер футболчиси Евгений Терцини уриб, жағини синдирди.
Шундан сўнг клуб Мирбек Ахматалиев билан шартномани бекор қилишга қарор қилди.
Шу сабабли у 5 йилгача футболдан четлаштирилди.
- Воқеада клубнинг хорижлик футболчиси, ярим ҳимоячи Евгений Терци жароҳат олиб, жағи синган. Воқеа содир этган футболчи Мирбек Ахматалиев билан клубнинг меҳнат муносабатларини тўхтатиш тўғрисида қарор қабул қилинди, - дейилади хабарда.
Бундан ташқари, воқеадан кейин клуб мураббийлар штаби ва спорт директори ҳам ишдан бўшатилди.
Эслатиб ўтамиз, 30 ёшли Мирбек Ахматалиев 2016 йилда Қирғизистон терма жамоасида дебют қилган, кейин эса жамоа таркибида 4 та ўйинда майдонга тушган.
Аввалроқ Криштиану Роналдунинг YouTube канали жаҳон рекордини ўрнатгани ҳақида ёзган эдик.
