Криштиану Роналдунинг YouTube канали жаҳон рекордини ўрнатди
ASTANА. Кazinform - Португалиялик футболчи Криштиану Роналдунинг YouTubeдаги канали илк миллион обуначилар йиғиш бўйича жаҳон рекордини ўрнатди.
Чоршанба куни Саудия Арабистонининг “Ал-Наср” клуби ҳужумчиси YouTubeда канал очди. Илк миллион обуначилар бир ярим соат ичида йиғилди. Айни пайтда уларнинг сони деярли 12 миллионни ташкил этади. 2022 йилги жаҳон чемпиони Лионель Мессининг эса 2006 йилда яратилган YouTube каналида бор-йўғи 2,2 миллион обуначи бор.
Эслатиб ўтамиз, 39 ёшли Криштиану Роналду беш карра “Олтин тўп” соҳиби бўлиб, Чемпионлар лигасида беш марта кубокни кўтарган. Шунингдек, у Европа чемпиони, Миллатлар лигаси ғолиби бўлди.
Португалиялик форвард терма жамоа, Европа чемпионати, Чемпионлар лигаси ва клублар ўртасидаги жаҳон чемпионати тарихидаги энг яхши тўпурар деб топилди.
Футболчилик фаолияти давомида у Испаниянинг “Реал Мадрид”, Англиянинг “Манчестер Юнайтед”, Италиянинг “Ювентус” ва Португалиянинг “Спортинг” клубларида ўйнаган.
2022 йилнинг декабридан Саудия Арабистонининг “Ан-Наср” клуби шарафини ҳимоя қилади. 2023 йил август ойида тилга олинган жамоа таркибида Араб мамлакатлари чемпионлар кубогини қўлга киритди.
