Кипр ва Қозоғистон ўртасида ҳафтасига 14 та рейс амалга оширилади
ASTANA. Kazinform – Кипр ва Қозоғистон ўртасида ҳар бир йўналишдан ҳафтасига 7 та рейс амалга оширилиши мумкин, деб хабар беради ҚР Фуқаро авиацияси қўмитаси матбуот хизмати.
Қозоғистон Республикаси Бош вазири ўринбосари – Ташқи ишлар вазири М.А. Нуртилеунинг Кипр Республикаси Ташқи ишлар вазири жаноб Константинос Комбос билан расмий учрашуви доирасида 2024 йил 25 март куни икки давлат авиация маъмурияти томонидан тайёрланган ҳаво транспорти масалалари бўйича ўзаро англашув меморандуми имзоланди.
Ўзаро англашув меморандуми ҳар бир томоннинг белгиланган ташувчиларига ҳафтасига 7 тагача рейсни амалга ошириш ҳуқуқини беради. Шунингдек, ҳар томондан ташувчиларнинг бир нечта белгилари кўрсатилган.
Меморандумга кўра, Қозоғистон авиакомпаниялари Кипр Республикаси ҳудудидаги Ларнака ва Пафос шаҳарларига, Кипр авиакомпаниялари эса Қозоғистон Республикаси ҳудудидаги Астана ва Алмати шаҳарларига ташишларни амалга ошириш ҳуқуқига эга.
Ўзаро англашув меморандумининг имзоланиши икки давлат ўртасидаги иқтисодий, бизнес ва туризм соҳасидаги ҳамкорликни мустаҳкамлаш имконини беради.
