Кетма-кет 22 учрашувда ғалаба қозонган Дмитрий Попко Бразилияда ярим финалга чиқди
ASTANA. Kazinform – Дунё рейтингида 276-ўринни эгаллаб турган қозоғистонлик теннисчи Дмитри Попко Ресифидаги (Бразилия) ITF турнирининг ярим финалига чиқди.
Мусобақанинг 2-ракеткаси сифатида қайд этилган қозоғистонлик теннисчи чорак финалда франциялик Паул Фалсеки билан куч синашди.
Дмитрий Попко франциялик спортчини 6:2, 6:3 ҳисобида осонликча мағлуб этди.
Қозоғистонлик теннисчининг ярим финалдаги рақиби кейинроқ маълум бўлади.
Бунгача Д.Попко АҚШнинг Флорида штатида ўтказилган учта мусобақада ғолиб чиққан эди. Аргентинада финалга чиққан бўлса-да, об-ҳаво туфайли ўйин бекор қилинди. Бундан ташқари, Д.Попко кетма-кет 22 учрашувда ғалаба қозонган.
Дмитрий бразилиялик Даниэль Дутра Да Сильва билан жуфтлик баҳсларида ҳам муваффақиятли иштирок этмоқда. Улар бразилиялик Энрике Бого ва парагвайлик Эрнандо Хосе Иснардини 6:4, 6:4 ҳисобида мағлуб этиб, ярим финалга йўл олди.
