Қасим-Жомарт Тоқаев ва Шавкат Мирзиёев қатор объектларнинг очилиш маросимида иштирок этди
ASTANA. Kazinform – Ақордада Қозоғистон ва Ўзбекистон президентларининг иштирокида Мухтар Ауезов номидаги Жанубий Қозоғистон илмий-тадқиқот университетининг Чирчиқ шаҳридаги филиали, шунингдек, Миллий тадқиқот университетининг “Тошкент ирригация ва қишлоқ хўжалигини механизациялаш муҳандислари институти” Алмати филиалининг расмий очилиш маросими бўлиб ўтди. Бу ҳақда Ақорда матбуот хизмати хабар берди.
Давлат раҳбарларига янги филиаллар фаолиятига оид видеоролик намойиш этилди.
Тадбирда Қозоғистон Республикаси Фан ва олий таълим вазири Саясат Нурбек ва Ўзбекистон Таълим вазири Конгратбай Шарипов икки давлат ўртасидаги фан ва таълим соҳасидаги ҳамкорлик тўғрисида маъруза қилди.
Қасим-Жомарт Тоқаев ва Шавкат Мирзиёев университет филиалларини очишга рухсат берди.
Шунингдек, икки давлат президентлари Хитой-Қозоғистон-Ўзбекистон йўналиши бўйича Сиань шаҳридан Тошкентга контейнер поезди келиши муносабати билан ташкил этилган маросимда иштирок этдилар.
Қозоғистон Транспорт вазири Марат Қарабаев ва Ўзбекистон Транспорт вазири Илҳом Махкамов икки давлатнинг транспорт-транзит имкониятларини кенгайтириш борасида амалга оширилаётган ҳамкорликдаги ишлар ҳақида маълумот берди.
Жорий йилнинг апрель ойида Хитой-Қозоғистон-Ўзбекистон йўналишида юк ташишни ташкил этиш ва Трансафғон йўналишини ривожлантириш бўйича келишувларга эришилди. Бунинг бир қисми сифатида юкларни етказиб бериш муддати қисқартирилди. Контейнер поезди 5 кунда 4486 километр йўл босиб ўтди. Бу рекорд кўрсаткич. Юк поезди Сиань портидан Қозоғистон ҳудуди орқали Тошкентга жўнатилди.
“Мамлакатимизнинг Хитойдаги терминаллари имкониятларидан фойдаланиш, Қозоғистон ва Ўзбекистон темир йўл маъмуриятларининг чегара яқинидаги инфратузилмани мустаҳкамлаш бўйича самарали ҳамкорлиги юк ташиш муддатини қисқартиришга хизмат қилди. Ўтган йили икки давлат ўртасида юк ташиш ҳажми 31 миллион тоннадан ошди ва 2022 йилга нисбатан 17,2 фоизга ошди”, – дейилади хабарда.
