Қасим-Жомарт Тоқаев Ўзбекистон Президентига ҳамдардлик билдирди

Давлат раҳбари ЎР Президенти Шавкат Мирзиёевга Чимкент-Самара трассасида содир бўлган автоҳалокатда саккиз нафар Ўзбекистон фуқаросининг фожиали ҳалок бўлгани муносабати билан ҳамдардлик телеграммаси йўллади, деб хабар беради Каzinform агентлиги Ақордага таяниб.

анон
Фото: Ақорда

Давлат раҳбари ҳалок бўлганларнинг оила аъзоларига самимий ҳамдардлик сўзларини етказишни сўради.

Эслатиб ўтамиз, 3 апрель куни Самара-Чимкент автомобил йўлида ҳалокатли ЙТҲ содир бўлган эди. Volvo юк машинаси ва Ўзбекистон Республикаси фуқароси бошқарувидаги Toyota-Аlhpard микроавтобуси иштирокида йўл-транспорт ҳодисаси содир бўлди. Ҳодиса оқибатида микроавтобус ҳайдовчиси ва унинг 7 нафар йўловчиси Ўзбекистон фуқаролари воқеа жойида ҳалок бўлган. Дастлабки маълумотларга кўра, юк машинасининг шинаси ҳаракатланаётганда ёрилиб кетган, ҳайдовчи бошқарувни йўқотиб, қарама-қарши йўналишдаги ҳаракатга чиқиб кетган ва шу ерда тўқнашув содир бўлган.

Сўнгги хабарлар