Қасим-Жомарт Тоқаев Германия Президентига ҳамдардлик телеграммаси йўллади
ASTANA. Kazinform – Давлат раҳбари Германия президенти Франк-Вальтер Штайнмайерга ҳамдардлик телеграммаси йўллади, деб хабар беради Ақорда.
Қасим-Жомарт Тоқаев Германия президенти Франк-Вальтер Штайнмайерга Магдебургдаги Рождество бозорида содир бўлган фожиали воқеа натижасида кўплаб қурбонлар бўлгани муносабати билан ҳамдардлик билдирди.
“Дўст немис халқининг қайғусига шерикман, марҳумнинг яқинларига мамлакатимиз ва шахсан ўз номимдан ҳамдардлик билдираман. Шунингдек, жароҳат олганларнинг тезроқ соғайиб кетишини тилайман”, – дейилади телеграммада.
Эслатиб ўтамиз, фожиа кечки соат 19:00 атрофида, ижарага олинган машинадаги эркак катта тезликда оломон устига бостириб кириши оқибатида юз берган. Икки киши, жумладан, кичик бола ҳалок бўлди, камида 60 киши яраланди.
Пойтахт Берлин яқинидаги Саксония-Анхальт бош вазири Райнер Хазелоффнинг маълум қилишича, полиция ўз машинасини оломон орасига ҳайдаганликда гумон қилинган Саудия Арабистони фуқаросини ҳибсга олган.
