Италияда қурғоқчилик туфайли зайтун мойи ишлаб чиқариш камайиши мумкин

ASTANA. Kazinform – Жорий йилда Италияда Ўрта ер денгизи ошхонасининг асосий таркибий қисмларидан бири бўлган зайтун мойи ишлаб чиқариш сув танқислигидан азият чекмоқда, деб хабар беради Еuronews.

Мамлакат жанубидаги Апулия минтақаси мамлакатдаги зайтун мойи ишлаб чиқаришнинг қарийб 50 фоизини ташкил қилади ва у ер қурғоқчиликдан азият чекмоқда.

Пьетро Леоне Фожа провинцияси қишлоқ хўжалиги компаниясини бошқаради, у ерда 100 гектарга яқин зайтун дарахтлари экилган. Бу йил ёғингарчиликнинг етишмаслиги ноябрь ойида йиғиб олинадиган зайтун ҳосилига қаттиқ таъсир қилди.

“Зайтун бу йил яхши ўсмади, ўтган йилгидан анча кам, чунки бизда бир неча йил сув танқислиги бўлган, кейин бир неча навлар гуллаш вақтида ўсмай қолган. Бу йил бизда дарахтларда 50-80% камроқ зайтун бор ", – дейди Пьетро Леоне.