Италияда ҳибсга олинган эронлик тадбиркор озод этилди

ASTANА. Кazinform – АҚШ ордери билан Италияда ҳибсга олинган эронлик тадбиркор Муҳаммад Абедини якшанба куни қамоқдан озод қилинди ва Эронга қайтди. Бу ҳақда Кazinform агентлиги мухбири хабар берди.

Абедини
Фото: IRNA

Ўтган ой 38 ёшли эронлик тадбиркор Муҳаммад Абедини Америка расмийлари талабига биноан Милан аэропортида Эрон ҳарбийларга учувчисиз навигация компонентларини етказиб бериш орқали АҚШ санкцияларини бузганликда айбланиб ҳибсга олинган эди.

Америка ҳуқуқ-тартибот идоралари маълумотларига кўра, кейинчалик бу компонентлар январь ойида Сурия билан чегарадаги Иорданиядаги ҳарбий базага ҳаво ҳужумида қўлланиб, уч америкалик аскар ҳалок бўлган. Эрон зарбага алоқадорлигини рад этди.

Озодлик учун озодлик

Италия матбуоти унинг ишини Абедини ҳибсга олинганидан уч кун ўтиб Теҳронда ҳибсга олинган ІІ Foglio кундалик газетаси мухбири Сесилия Саланинг ҳибсга олиниши билан боғлади. Италия Ташқи ишлар вазирлиги Эрон элчисини чақириб, ҳибсга олинган журналистни озод қилишни талаб қилди. Кейинчалик у қамоқдан озод қилинди ва Италияга қайтиб келди.

Эрон италиялик журналист Римга Абедини озод қилиш учун босим ўтказиш мақсадида қамоққа ташланган деган айбловларни рад этади.

Эрон адлия органларига кўра, тушунмовчилик туфайли ҳибсга олинган Абедини Эрон Ташқи ишлар вазирлигининг саъй-ҳаракатлари ва икки давлат разведка хизматлари ўртасидаги музокаралар туфайли Италияда ҳибсдан озод этилган.

Эрон адлия идоралари тушунмовчилик бартараф этилгани ва Абедини қамоқдан озод этилганини маълум қилди, деб хабар беради IRNА.

Эрон Ташқи ишлар вазирлиги матбуот котиби Эсмоил Багай ва Эроннинг Mizan ахборот агентлиги Абединининг якшанба куни Эронга келганини тасдиқлади.

Рим экстрадицияга қарши

Эронлик тадбиркорнинг якшанба куни озод этилиши Италия адлия вазири Карло Нордио Милан апелляция судига апелляция аризаси топширганидан кейин содир бўлди.

Аввалроқ ОАВ эронлик тадбиркорни АҚШга экстрадиция қилиш имкониятини муҳокама қилган эди. Бироқ Италия Адлия вазирининг айтишича, АҚШ эронликни экстрадиция қилиш бўйича расмий сўров билан чиқмаган.

Италия Адлия вазирлиги баёнотида айтилишича, Абедини экстрадиция қилиш учун ҳеч қандай қонуний шарт-шароит йўқ, чунки бу фақат Италияда ҳам, АҚШда ҳам жазоланиши мумкин бўлган жиноятлар учун мумкин бўлади.

Баёнотда таъкидланишича, АҚШнинг “Халқаро фавқулодда иқтисодий ваколатлар тўғрисида”ги қонунини бузиши Италия қонунчилигида жиноят ҳисобланган ҳаракатларга тўғри келмайди. Шунингдек, эронлик тадбиркорнинг террорчи ташкилотни қўллаб-қувватлагани ҳақидаги бошқа айбловларни тасдиқловчи далил йўқлиги қайд этилди.

Италия ва халқаро ОАВ хабарларига кўра, Сесилия Саланинг озод этилиши Италия бош вазири Жоржа Мелони АҚШнинг янги сайланган президенти Дональд Трампга Флоридадаги Мар-а-Лаго қароргоҳига ташриф буюрганидан кўп ўтмай содир бўлган. Италия АҚШдан Сала тезда Италияга қайтиши учун Абединини экстрадиция қилишдан бош тортишда ҳамкорлик қилишни сўради.

Эслатиб ўтамиз, аввалроқ Италия элчиси билан суҳбат эълон қилган эдик.

Сўнгги хабарлар