Истанбулда сейсмик талабларга жавоб бермайдиган 93 та мактабни ёпишни режалаштирмоқда

ASTANA. Kazinform – Истанбул маъмурий бошқармаси сейсмик хавфсизлик талабларига жавоб бермайдиган 93 та мактабни ёпишни режалаштирмоқда. Улардан 76 таси бузилади ёки реконструкция қилинади, 17 таси эса таъмирланади, деб хабар беради Kazinform бошқармаси сайтига таяниб.

«20 феврал куни мазкур мактаб ўқувчилари туман ҳокимлари билан келишилган ҳолда хавфсиз мактабларга ўтказилади. 51995 нафар ўқувчи ва 2765 нафар ўқитувчи сейсмик хавфсиз мактабларга боради», - дейилади Истанбул маъмурий бошқармаси хабарида.

Сейсмик хавф даражасини пасайтириш мақсадида Истанбул мактаблари текширилди. Шаҳарда 1999 йилда қурилган 1418 та мактабнинг 67 тасини сейсмик жиҳатдан кучли дейиш мумкин, 1351 та мактаб хавфли ҳолатда.

Эслатиб ўтамиз, 6 феврал куни Қаҳраманмарашда 7 баллдан юқори бўлган икки марта зилзила содир бўлган. Зилзилалар мамлакатнинг 10 та вилоятида, шунингдек, қўшни давлатлар, жумладан Сурияда ҳам сезилган.

Президент Режеп Таййип Эрдоған Туркияда табиий офат қурбонлари учун етти кунлик миллий мотам эълон қилди.

Охирги маълумотларга кўра, зилзила қурбонлари сони 39,6 минг кишидан ошган.