Испанияда оғир атлетика бўйича ўсмирлар ўртасидаги ЖЧда қозоғистонлик спортчи олтин медални қўлга киритди

ASTANA. Kazinform - Оғир атлетика бўйича Қозоғистон ўсмирлар терма жамоаси вакили Едиге Емберди Леон (Испания) шаҳрида бўлиб ўтган жаҳон чемпионатида ғолиб чиқди, дея хабар беради Kazinform агентлиги Olympic.kzга таяниб.

Оғир атлетикачи 89 кг вазн тоифасида олтин медални қўлга киритди. Е. Емберди умумий ҳисобда 352 (153+199) кгни кўтарди.

Эронлик Алириза Абаспур иккинчи ўринни эгаллади – 351 (156+195) кг. Колумбиялик Жоксер Альборнос 350 (158+192) кгни кўтариб, кучли учликни якунлади.

Бунгача Ерасил Саулебеков 81 кг вазн тоифасида учинчи бўлган эди.