Интернетда Франция президентининг қозоқ тазилари билан тушган янги сурати пайдо бўлди
Франция президентининг шахсий фотографи Эммануэль Макроннинг қозоқ миллий тази зотли итлари билан тушган янги суратини эълон қилди, деб хабар беради Kazinform.
Суратда Франция президенти аввалроқ Қасим-Жомарт Тоқаев томонидан Франция раҳбарига совға қилинган Жюль ва Жанна исмли тази итларини боқмоқда.
Эслатиб ўтамиз, 16 март куни Елисей саройида Макроннинг қозоқ тазилари билан биринчи сурати пайдо бўлган эди.
ҚР Президентининг таклифига биноан ўтган йилнинг ноябрь ойида Астана шаҳрига ташриф буюрган Эммануэль Макрон «Этноаул» кўргазмасига ташриф буюриб, қозоқ халқининг бой маданий мероси билан танишган эди. Кўргазма марказида Франция Президентига айниқса, тазилар ёқди. Кейин Қасим-Жомарт Тоқаев француз ҳамкасбига итларни совға қилишга ваъда берди.
Кейинроқ Парижга беш ойлик қозоқ миллий тази зотли икки кучук олиб келинди. Уй ҳайвонлари ветеринария шифокорлари томонидан кўрикдан ўтказилиб, вақтинчалик карантинга жойлаштирилди. Шунингдек, Франция томони тазини парвариш қилиш, озиқлантириш ва ўқитиш бўйича тавсиялар олди.
