Илон Маскнинг компанияси Қозоғистон қишлоқларидаги 2 минг мактабни интернетга улайди
SpaceX компанияси Қозоғистон қишлоқларидаги 2000 та мактабни интернет билан таъминлайди. Бу ҳақда Kazinform агентлиги ҚР Рақамли ривожланиш, инновациялар ва аэрокосмик саноат вазирлигига таяниб хабар беради.
“Starlink компанияси билан тузилган дастлабки келишувга кўра, SpaceX технологиясидан фойдаланган ҳолда қишлоқдаги 2000 та мактабни интернетга улаш режалаштирилган.
Бугун Digital bridge форумида SpaceX Starlink бизнес операциялари директори Лаурен Дрейер Қозоғистондаги 2000 та қишлоқ мактабларини юқори тезликдаги интернетга улаш бўйича ҳамкорликни таклиф қилди.
Келишувларнинг кейинги босқичлари бўйича қўшимча маълумотлар берилади”, — дейилади вазирлик матбуот хизмати хабарида.
Эслатиб ўтамиз, Digital bridge форуми доирасида Давлат раҳбари Қасим-Жомарт Тоқаев SpaceX компаниясининг Starlink масалалари бўйича вице-президенти Лорен Дрейер билан учрашди. Л. Дрейер StarLink компаниясининг Қозоғистондаги фаолиятини кенгайтириш режаси, хусусан, мамлакатнинг чекка қишлоқларини сунъий йўлдош интернети билан таъминлаш лойиҳаси ҳақида гапирди.
