Илон Маск Twitterнинг янги бош директорини таништирди

ASTANA. Kazinform - Линда Яккарино Twitterнинг янги бош директори бўлди. Бу ҳақда Илон Маск ижтимоий тармоқдаги шахсий саҳифасида ёзди, деб хабар беради Kazinform.

«Twitterнинг янги бош директори сифатида Линда Яккаринони кутиб олишдан хурсандман!», - деб ёзди у.

Унга кўра, компаниянинг янги раҳбари бизнес операциялари билан шуғулланади. Ўзи эса маҳсулот дизайни ва янги технологияларга эътибор беради.

Линда Яккарино 60 ёшда.

Эслатиб ўтамиз, дунёнинг энг бой одамларидан бири бўлган И.Маск Twitterни ўтган йили октябрь ойида 44 миллиард долларга сотиб олган эди.

У дарҳол компания директорлар кенгашини тарқатиб юборди.

Америкалик бизнесмен Илон Маск Американинг собиқ президенти Дональд Трампнинг Twitterдаги аккаунтини блокдан чиқарди.